-
Ffeithlen Proteinau Amgen
LawrlwythwchMae’r ffeithlen yma yn rhoi trosolwg o broteinau amgen, gan gynnwys gwahanol ffynonellau protein, tueddiadau’r farchnad a defnyddwyr, a datblygiadau o fewn y sector. Mae’n archwilio gwybodaeth sy’n berthnasol i fusnesau bwyd a diod Cymru sy'n ystyried gweithio yn y maes yma sy’n datblygu.
-
Rheoliad yr UE ar Ddatgoedwigo: gwybodaeth i fusnesau bwyd a diod
Efallai y bydd busnesau bwyd a diod sy’n masnachu â’r Undeb Ewropeaidd am ymgyfarwyddo â Rheoliad yr UE ar Ddatgoedwigo (EUDR) ac ystyried a yw’n berthnasol i’w cynhyrchion a’u cadwyni cyflenwi.
Nod yr EUDR yw sicrhau bod nwyddau a chynhyrchion penodol sy’n cael eu rhoi ar farchnad yr UE, eu darparu ar y farchnad honno, neu eu hallforio ohoni, yn rhydd rhag datgoedwigo. Mae’r nwyddau sydd o fewn cwmpas y Rheoliad yn cynnwys gwartheg, coco, coffi, palmwydd olew, rwber, soia a phren, ynghyd â chynhyrchion penodol sy’n deillio ohonynt. I gael rhagor o wybodaeth, darllenwch yma.
Mae’r Comisiwn Ewropeaidd yn nodi nad oes rhwymedigaethau ar gynhyrchwyr a chwmnïau y tu allan i’r UE o dan yr EUDR oni bai eu bod nhw eu hunain yn rhoi cynhyrchion ar farchnad yr UE. Fodd bynnag, mae’n bosibl y gofynnir i fusnesau y tu allan i’r UE ddarparu gwybodaeth i helpu busnesau yn yr UE i gyflawni eu rhwymedigaethau. Gall hyn gynnwys gwybodaeth am ble y cafodd y nwyddau perthnasol eu tyfu, eu cynaeafu neu, yn achos da byw, eu magu.
Felly, efallai y bydd busnesau bwyd a diod yng Nghymru sy’n allforio i’r UE, neu sy’n cyflenwi busnesau sy’n masnachu â’r UE, am adolygu gwybodaeth a chanllawiau’r Comisiwn Ewropeaidd a chanfod a yw’r Rheoliad yn berthnasol i’w gweithgareddau.
Mae’r Comisiwn Ewropeaidd yn darparu’r wybodaeth swyddogol ganlynol:
Gweithredu’r EUDR a throsolwg ohono
Trosolwg o’r Rheoliad a’r modd y caiff ei weithredu, ynghyd â dolenni at adnoddau ategol, gan gynnwys gwybodaeth i fusnesau a sefydliadau y tu allan i’r UE.
Y Comisiwn Ewropeaidd: Gweithredu Rheoliad yr UE ar DdatgoedwigoCwestiynau Cyffredin
Mae Cwestiynau Cyffredin y Comisiwn Ewropeaidd ar yr EUDR yn rhoi rhagor o wybodaeth am weithredu’r Rheoliad ac yn ymdrin â chwestiynau a godwyd gan fusnesau a rhanddeiliaid eraill.
Y Comisiwn Ewropeaidd: Cwestiynau Cyffredin am yr EUDRCynhyrchion sydd o fewn cwmpas y Rheoliad
Mae Atodiad I i’r Rheoliad yn nodi’r nwyddau a’r cynhyrchion sydd o fewn cwmpas yr EUDR, gan gynnwys eu codau dosbarthu perthnasol. Mae tudalen weithredu’r Comisiwn yn rhoi mynediad at y ddeddfwriaeth a gwybodaeth am sut i wirio’r cynhyrchion sydd wedi’u rhestru.
Y Comisiwn Ewropeaidd: Deddfwriaeth yr EUDR a gwybodaeth am gynhyrchionSystem Wybodaeth yr EUDR
Mae’r Comisiwn Ewropeaidd yn darparu System Wybodaeth ar-lein ar gyfer datganiadau diwydrwydd dyladwy a datganiadau symlach, ynghyd â gwybodaeth a deunydd ategol i ddefnyddwyr.
Y Comisiwn Ewropeaidd: System Wybodaeth yr EUDRY wybodaeth ddiweddaraf am weithredu a newidiadau i gwmpas cynhyrchion
Ym mis Gorffennaf 2026, cyhoeddodd y Comisiwn Ewropeaidd ddiweddariad ar newidiadau i gwmpas cynhyrchion penodol a’r adnoddau sy’n cael eu cyflwyno i gefnogi’r gwaith o weithredu’r Rheoliad.
Y Comisiwn Ewropeaidd: Diweddariad EUDR Gorffennaf 2026
Straeon cysylltiedig
Cefnogaeth i leihau carbon
Mae menter a lansiwyd yn 2024 yn rhoi cyfle i fusnesau bwyd a diod ddatblygu cynlluniau lleihau carbon.
Clwstwr Cynaliadwyedd
Rydyn ni wedi cyrraedd pwynt tyngedfennol yn ein hanes lle mae ein gweithredoedd yn bwysicach nag erioed. Mae gan bob dinesydd o bob gwlad y pŵer i gyfrannu ar y cyd at adfywiad ein planed trwy’r bwyd rydyn ni’n ei fwyta.
Busnesau B Corp sy'n arwain yng Nghymru
Mae B Corp yn cael ei ystyried yn safon aur ryngwladol ar gyfer cynaliadwyedd. Mae’n cynnwys ymagwedd gyfannol sy’n gofyn am ymgysylltiad o bob agwedd ar fusnes i gynnal ei achrediad. Mae hyn yn cynnwys sut mae’r busnes yn gweithredu, ei strwythur, ei weithwyr a’i brosesau cynhyrchu, ochr yn ochr â thryloywder ac atebolrwydd.
Modiwlau Hyfforddiant Cynaliadwyedd
Mae ein cynnig Hyfforddiant Cynaliadwyedd wedi'i ddatblygu i helpu busnesau bwyd a diod i feithrin yr wybodaeth, y sgiliau a'r hyder sydd eu hangen i weithredu. Drwy gyfres o fodiwlau hyblyg, ar alw, mae'r hyfforddiant yn cynnig arweiniad, offer ac adnoddau ymarferol y gallwch eu defnyddio'n uniongyrchol yn eich busnes.
Before you start...
Cwcis
Mae’r ffaith eich bod chi’n parhau i ddefnyddio’r wefan hon yn awgrymu eich bod chi’n cydsynio i’n defnydd o gwcis. Ein polisi cwcis.