Er mwyn adeiladu ar yr amcanion cychwynnol, bydd clwstwr yn cael ei sefydlu i sbarduno twf yn y sector.
Mae'r galw byd-eang am laeth defaid yn parhau i gynyddu, wedi'i yrru gan awydd defnyddwyr am ddewisiadau llaeth protein uchel, treuliadwy, a phremiwm, yn enwedig cawsiau crefftus a chynhyrchion iechyd swyddogaethol. Mae'r momentwm hwn yn gosod Cymru mewn sefyllfa dda i sefydlu ei hun fel cynhyrchydd premiwm mewn marchnad fyd-eang sy'n tyfu, gan adeiladu ar sector defaid o'r radd flaenaf.
Y weledigaeth hirdymor ar gyfer Sector Defaid Llaeth Cymru yw cefnogi 100 o gynhyrchwyr sy'n godro 30,000 o ddefaid, ac yn cynhyrchu dros 11 miliwn litr o laeth bob blwyddyn o fewn 10 mlynedd. Mae cyflawni hyn yn gofyn am ddatblygiad ar yr un pryd ar draws y gadwyn gyflenwi gyfan.
Mae diddordeb yn y sector yn gryf gyda dros 80% o'r ffermwyr a holwyd yn fodlon archwilio llaethu defaid yn y tair blynedd nesaf.
